< Digitale Schriftkunde

StA Bamberg, Geheime Landesregierung 73
Schreiben des Sigmund von Wirsberg an Markgraf Albrecht Alcibiades von Brandenburg-Kulmbach, 1553

(Absatz Beginn)
1 Mein freuntlich vnd willig dienst zuuor liebe herrn ohem Schweger
2 vnd guete freundt, Eur schreiben mirgethun mit anzaigung weß
3 sich die knecht zu Culmbach vnd auf Blassenbergk gegen euch
4 vnderfangen vnd vnderstanden haben, mit genediger vnd freundtlich(er)
5 begerung vnd bitt Jrn f(urstlichen) g(naden) zu vnderthenigen vnd euch zu
6 freundtlichem gefallen, ein tausent gulden lehens weiß oder souil
7 Silber geschirs Jnnerhalb acht tagen auf genugsame versicherung
8 furstreckh(en), oder auf prengen (et cetera) wölches ich alles mit grosser
9 beschwer vnd betrubten hertzen seines ferners Jnhalts hab verlesen,
10 vnd hett auch warlich solches der knecht hochmuet vnd muetwillige
11 handlung gar nit versehen. vnd wolt gern meinen genedigen
12 fursten vnd herrn in vnderthenigkait vnd euch zu freuntlichem
13 gefallen, denselbigen begern nach volziehung thun. So wist ir
14 zweifels an Jn was verderbtlichen schaden vnd nachteil Jch durch
15 die freundt vnd feindt auf dem Ampt auch in meinem hauß
16 khumen bin, Also daß sie mir daß pest so ich auf dem Ampt
17 vnd in meinem hauß gehabt hab genumen verhert vnd ver
18 schlaift haben, darzu so ist all mein silber geschir zu dem
19 Teissenorth gewesen. Jst laider wol zuuermueten dieweil
20 sie daß hauß Jnnen haben. sie werden daß silber geschir nit
21 vergessen, So hab ich auch groß muhe vnd Erbeit gehabt, bej
22 dem Joachim krebssen der drej tausent gulden halben, wie
23 ir wist daß ich in noch ein klaine zeit gestilt hab, wie ir
24 dan auß meinem vorigen schreiben auch vernumen habt.
25 So hat mir auch mein lieber vatter vnd schweher Wolff Christof
26 von Redtwitz vor etlichen wochen vnd viel mal gleichs fhals
27 vmb gelt, wein, pier, auch geschriben, wölches ich warlich auch
28 gern gethun wolt haben, mich auch an viel ortten, auch bej
29 reich(en) leutten Jn landts Baÿrn vnd auf dem Nokka
30 vnd an andern ortten mer vmbgethun vnd bemuet aber [weiter auf der Rückseite: nichts fruchtbars an gelt oder silber geschir auf hab khunnen pringen...] (Absatz Ende)

          

(Absatz Beginn)
1 Mein freuntlich und willig dienst zuvor, liebe herrn ohem, schweger
2 und guete freundt. Eur schreiben mirgethun mit anzaigung, weß
3 sich die knecht zu Culmbach und auf Blassenbergk gegen euch
4 underfangen und understanden haben, mit genediger und freundtlicher
5 begerung und bitt irn furstlichen gnaden zu underthenigen und euch zu
6 freundtlichem gefallen, eintausent gulden lehensweiß oder sovil
7 silbergeschirs innerhalb acht tagen auf genugsame versicherung
8 furstreckhen oder aufprengen et cetera, wölches ich alles mit grosser
9 beschwer und betrubten hertzen seines ferners inhalts hab verlesen
10 und hett auch warlich solches der knecht hochmuet und muetwillige
11 handlung gar nit versehen und wolt gern meinen genedigen
12 fursten und herrn in underthenigkait und euch zu freuntlichem
13 gefallen denselbigen begern nach volziehung thun. So wist ir
14 zweifelsan, in was verderbtlichen schaden und nachteil ich durch
15 die freundt und feindt auf dem ampt auch in meinem hauß
16 khumen bin. Also daß sie mir daß pest, so ich auf dem ampt
17 und in meinem hauß gehabt hab genumen, verhert und, ver-
18 schlaift haben, darzu so ist all mein silbergeschir zu dem
19 Teissenorth gewesen. Ist laider wol zu vermueten, dieweil
20 sie daß hauß innenhaben, sie werden daß silbergeschir nit
21 vergessen. So hab ich auch groß muhe und erbeit gehabt, bei
22 dem Joachim Krebssen der dreitausent gulden halben, wie
23 ir wist, daß ich in noch ein klaine zeit gestilt hab, wie ir
24 dan auß meinem vorigen schreiben auch vernumen habt,
25 so hat mir auch mein lieber vatter und schweher Wolff Christof
26 von Redtwitz vor etlichen wochen und vielmal gleichsfhals
27 umb gelt, wein, pier auch geschriben, wölches ich warlich auch
28 gern gethun wolt haben, mich auch an viel ortten, auch bei
29 reichen leutten in landts Baÿrn und auf dem Nokka
30 und an andern ortten mer umbgethun und bemuet, aber [weiter auf der Rückseite: nichts fruchtbars an gelt oder silbergeschir auf hab khunnen pringen...] (Absatz Ende)